Shaharsozlikda yashil infratuzilma elementlarining qo‘llanilishi: ekologik va iqtisodiy samaradorlik

Abstrak

Mazkur maqolada shaharsozlik jarayonida yashil infratuzilma elementlarining ekologik va iqtisodiy
samaradorligi masalalari atroflicha tahlil qilinadi. Xususan, yashil maydonlar, vertikal bog‘lar, ekologik
transport yo‘llari, quyosh panellari va boshqa energiya tejovchi texnologiyalar shahar muhitiga va aholining
hayot sifati hamda farovonligiga qanday ta’sir ko‘rsatayotgani muhokama qilinadi. Tadqiqotda xalqaro
tajribalar, ilmiy adabiyotlar hamda so‘nggi yillarda O‘zbekiston hududida amalga oshirilgan yirik tashabbuslar,
jumladan, “Yashil makon” milliy loyihasi va “Yangi Andijon” shahri misolida amalga oshirilgan amaliy ishlar
asosida bugungi holat tahlil qilinadi. Maqolada mavjud muammolar, tartibga solish mexanizmlari va texnologik
imkoniyatlar ko‘rib chiqilib, yashil infratuzilma samaradorligini oshirishga doir ilmiy-amaliy tavsiyalar taqdim
etiladi. Ushbu tadqiqot shaharsozlikda ekologik barqarorlikni ta’minlashga xizmat qiladi.